"PDHJ delegasaun teritórial Baukau, husi janeiru to'o marsu 2022 nian simu keixa husi komunidade sira hamutuk 13," dehan Diretóra PDHJ delegasaun teritórial Baukau, Joanita Silveira da Costa iha kna'ar fatin Uatulete, kinta (10/03).
Tuir keixa ne'ebé PDHJ simu, sei halo rejistu haruka ba diresaun asistensia públika hafoin prosesu kontinuasaun ba diresaun investigasaun hodi halo avalisaun premilianáriu ba keixa husi komunidade.
"Iha avalisaun premilianáriu mak, investigadór sira halo tiha avalisaun, nia relatóriu finál haruka ba komite jestaun de keixa ne'ebé kompostu husi provedór adjuntu sira, diretór investigasaun iha enkontru mak foin deside katak tama ba mandatu PDHJ nian ga la'e, mak tama ba mandatu PDHJ nia loke ba investigasaun, mak liga ba krime ruma, liga ba Minisitéiru Públiku,"nia hatete
Enkuantu keixa 13, seida'uk to'o iha faze avalisaun premilianáriu nian, tanba prosesu investigasaun tuir natureza PDHJ nian durasaun fulan-6 ba faze avalisaun premilianáriu.
"Ita presiza rekolla dadus evidénsia sira ne'ebé ligasaun ho ita nia komunidade keixa," nia hatete
Enkuantu keixa 13 ne'e, violasaun direitu umanu iha keixa-8, violasaun ba boa governasaun iha keixa-5, kompostu husi Munísipiu Lautém-ida, Manatutu-ida restu 11 husi Munísipiu Baukau rasik. (*)
