“Prontu ha'u nu'udar Xefe Estadu, ha'u labele komenta desizaun balun, prosesu ke, ne'e seidauk konklui”, dehan Horta hafoin finaliza vizita ba edifísiu Parlamentu Nasionál (PN), kuarta (17/08).

Ba kazu Ilísitu droga ne'e rasik, nu’udar Xefe Estadu mós seidauk hatene loloos informasaun kompletu kona-ba ida-ne'e.

Tanba ne'e, labele fó komentáriu ruma ba ida-ne'e, bainhira ko'alia kona-ba komentáriu seluk nu’udar Xefe Estadu ko'alia tiha ona, katak apelu ba joven sira atubele evita inklina iha kazu Ilísitu ba droga, nomós evita tua (alkol) inklui evita fuma tabaku.

Maske ko'alia bebeik Evita tabaku no evita alkol ne'e maibé nafatin akontese no iha balun mak evita buat hothotu ona.

Purtantu kestaun droga ne'e nu’udar buat la di'ak, maibé tabaku mós la di'ak hotu ba Ema nian Saúde.

Mesmu nune'e sei labele hatete evita tabaku iha maun boot Xanana Gusmão nia oin tanba nia mós fuma tabaku númeru 1 iha Timor-Leste.

“Ne'e duni iha nia oin ha'u nunka ko'alia kontra tabaku, e nia fuma barak mais nia saúde di'ak loos”, afirma nia. (*)