“Purtantu ha’u to’o office, ha’u ba husu kedas informasaun konkretu kona-ba ida-ne’e”, dehan Horta hafoin hala’o vizita ba Eskola Portugéz Balide, Dili, tersa (13/09).
Tanba kazu Padre Abito nia mate ne'ebé deskonfia hetan asidente iha Dare inklui José Bernado ne’ebé mate ho kondisaun tara-an iha sela detensaun Komandu Polísia Nasionál Timor-Leste (PNTL) Munisípiu Dili, to'o ohin loron seidauk iha rezultadu investigasaun ruma ne'ebé fó sai husi parte relavante.
Xefe Estadu sei foti inisiativa atu husu tuir informasaun konkretu ida-ne'e tanba kazu ne'ebé akontese, parte Xefe Estadu rasik seidauk akompaña informasaun konkretu. (*)