Tempotimor (Díli)- Tuir dadus ne'ebé relata hisi Komandu Munisípiu Díli (KMD), liuhosi Polísia Unidade Tránzitu indika katak, asidente barak ne'ebé durante ne'e akontese, hodi rezulta ema balun kanek no mate, iha kapitál Díli ne'e, kauza hosi kareta kontentór roda-neen ba leten, ne'ebé halo movimentu iha sidade laran, la tuir oráriu.

Tempotimor (Dili)-Maske Fulan Outubru ohin foin tama ba loron 15, maibé durante semana rua nia laran ne'e sidadaun na'in neen mak tenke husik hela mundu, tanba uza transporte (motor no kareta) la kontrola ho di'ak.

Tempotimor (Díli)-Liga ba produsaun pontus ezame nasionál ba finalista sira husi ensinu báziku no ensinu sekundáriu no ensinu tékniku vokasionál iha teritóriu Timor-Leste tomak, mak Ministériu Edukasaun Juventude no Desportu (MEJD) husu ona ba Polísia Nasionál Timor-Leste (PNTL) ati halo seguransa bainhira prodús hela matéria sira ne'e.

Pontus ezame ne'ebé dadaun ne'e MEJD produz ba finalista husi ensinu báziku, ensinu tékniku vokasionál no ensinu sekundáriu sira ne'e produz iha printing Silvia Dili, tanba nu'udar kompañia ne'ebé manan iha tenderizasaun hodi halo imprime ba pontu ezame sira ne'e.

Tuir Komandante PNTL Munisípiu Díli, Superindente Xefi Henriques da Costa katak, PNTL simu ona karta husi MEJD hodi husu apoiu polísia nian atu apoiu seguransa ba prodúz pontu ezame finál ba tinan 2020.

"Loos, ita hetan ona karta no ita orienta ona eskuadra Vera Cruz, para halo movimentu ba iha fatin impríme ninian, atu nune'e bele halo seguransa iha ne'ebá," hatete Henriques nia knaar fatin Kaikoli, Kuarta (14/10).

Komandante ne'e afirma, maske MEJD husu PNTL atu halo seguransa, maibé seguransa ne'e la to'o oras 24.

"PNTL sei la koloka seguransa ba 24 oras, tanba MEJD rasik iha ona sira-nia seguransa ne'ebé kolokadu iha ne'ebá, entaun ita-nian patrulla, ita halo movimentu iha ne'ebá, para atu nune'e bele kontrola, tanba karta ne'e ita foin simi horseik," dehan nia.

Entretantu orsamentu ne'ebé MEJD uza hodi halo kontratu ho kompañia Silvia Dili hodi halo imprime ba pontu ezame sira ne'e hamutuk dolar rihun $385 no durasaun ba imprime pontu ezame sira ne'e sei hala'o durante semana tolu nia laran.(*)

Tempotimor (Dili)-Bazeia ba desizaun Konsellu Ministru (KM) ne'ebé aprova ona montante billaun $1.895 ba Orsamentu Jerál Estadu (OJE) tinan fiskál 2021 nian, mak osan tokon $20 ne'ebé aloka ba Ministériu Defeza no Seguransa (MDS), sei finansia ba programa importante sira hanesan Autoriedade Marítima, konseitu estratéjiku militar no sistema komponente sira.

Tempotimor (Dili)- Iha tempu badak, Polísia Nasionál Timor-leste (PNTL) sei destroi kanu-resin motor nian, ne'ebé antes ne'e prende no tau hamutuk iha Kuartel PNTL.

Tempotimor (Dili)- Sidadaun sira ne'ebé utiliza transporte Kareta no Motor iha dalan públiku, kundu laiha karta kondusaun no dokumentus ne'e krime.

Tempotimor (Dili)-Engrafamentu kontinua mosu iha movimentasaun transporte nian iha estrada kapital nasaun nian, parseiru Timor-leste Police Development Program (TLPDP) fo formasaun ba Polísia Nasionál Timor-Leste (PNTL), liu-liu departamentu tránzitu, atu bele halo analiza ba situasaun hodi redus.

Formasaun ne'ebé parseiru Timor-Leste Police Development Programa (TLPDP) fó ba polísia tranzitu sira ne'e, nu'udar meiu ida oinsa atu kapasita membru sira para halo analiza swat no analiza trip ba situasaun rai laran.

“Semináriu ne’e ita nia parseiru TLPDP, fahe esperiénsia ba polísia tránzitu sira hodi halo analiza swat no analiza trip ka análiza kle'an, ne'ebé halai liu ba membru tranzitu sira, oinsá sira halo servisu di’ak, tanba ita haree ita-nia sidade laran barak liu mak engarafamentu, tanba ne’e sira fó formasaun oinsá fokus ba problema sira ne'e,” dehan Portavós Komandu Jerál PNTL Superentendente xefe Arnaldo Araújo iha salaun Maubara Room Timor Plaza, Kuarta (07/10).

Komandante ne'e mós afirma, formasaun análiza swat ne'e, oinsa mak membru sira bele halo analiza kle'an kona-ba servisu sira nian.

"Agora iha sidade Dili ne'e iha engrafamentu maka'as, entaun sira bele halo analiza kle'an para bele reduz engrafamentu ne'e," katak Nia.

Relasiona ho formasaun ne'e, portavoz PNTL afirma, dadaun ne'e PNTL koloka ona membru sira iha estrada públiku, nune'e bele orienta transporte públiku sira.

"Agora dadauk ne'e komandu munisípiu Dili, monta hotu membru polísia tranzitu sira inklui Ofisiál Polísia Suku (OPS) iha dalan hotu, entaun kuandu iha asidente ruma, laiha atrazu ona no ita-nia erru sira ba kotuk ne'e mak ita agora hadi'a ne'e," nia dehan.

Komandante ne'e subliña, husu formasaun ne'e, la'ós forma PNTL sira atu reduz asidente sira iha dili, maibé atu reduz númeru asidente, fila-fali ba konxiénsia motorista sira.

Entretantu formasaun análiza swat no analiza trip ne’e hala'o durante loron rua, ne'ebé sei partisipa másimu husi komandante PNTL munisípiu 12, polísia tránzitu sira, inklui Rejiaun Administrativu Espesiál Oekusse Ambeno (RAEOA).(*)

Tempotimor (Díli)- Haree ba sidadaun sira ne'ebé kontinua tama ilegalmente husi fronteira terrestre, ne'ebé ho númeru kontinua aumenta, mak dadaun ne'e, Komandu Jerál PNTL no F-FDTL deskobre ona, membru seguransa nain sanulu (10) resin, mak involve direta, iha atividade tama sai ilegál ne'e.

Tempotimor (Dili)-Vise prezidente bankada CNRT Patrocino Fernandes duun pesoal Polisia Nasional Timor-Leste (PNTL) Munisipiu Manufahi baku ema ne’ebé fó asistensia ba vitima asidente trafegu iha Same.

TempoTimor (Dili)-Deskonfia Deputadu Bankada Konsellu Nasional Rekonstrusaun Timorense (CNRT), José Vergilho halo akuzasaun falsu hasoru Vise Ministru Interior (MI), Antonio Armindo katak, autorizasaun ba kareta markaToyota Fortuna ho sapa matrikula DH-1530 ED tama husi fronteira mai partisipa festa iha Atabae, Munisipiu Bobonaro.

Iha ambitu diskusaun ba pedidu Prezidente Republika (PR) hodi estende Estadu Emerjensia(EE) ba daneen (6) hamosu duvida ba publiku hafoin Deputadu CNRT, José Vergilho deklara katak, iha loron, 5 Setembru 2020 bainhira membru Deputadu sira fila husi Maliana, identifika kareta ida marka Toyota Fortuna ho sapa matrikula DH-1530 ED tama husi fronteira hodimai partisipa festa ida Atabae.

Tuir informasun ne'ebé Deputadu ne'e hetan husi komunidade, inklui parte Polisia Nasional Timor-Leste (PNTL) iha area ne'e katak, kareta refere tama mai tanba hetan autorizisaun husi Vise Ministru Interior.

Situasaun ne’e halo reprezentante povu husi bankada CNRT lamentavel tebes no husu ba membru governu atu kumpre lolos esteinsaun EE ne'ebé sira husu.

"Se Prezidente Republika dekreta tiha ona Estadu Emerjensia maka membru governu haruka kareta tama mai, ida ne'e hanesan membru governu ninia loyalidade iha ne'ebé," kestiona DeputaduCNRT ne’e.

Nia konsidera, aktu ne'e hutudu lakoi kumpri regra estadu emerjensia ne'ebé dekreta husi Xefi Estadu.

Hatan ba kestaun ne’e, Vise Ministru Interior,Antonio Armindo hateten,deputadu ne’e halo akuzasaun sein faktus.”

Iha sorin seluk, Deputadu Bankada Fretilin, David Dias XimenesMandati deklara, informasaun ne’e foin maka deskonfia, entaun presiza halo investigasaun.

Deputadu balun dehan katak, Vise MI maka orienta kareta tama husi fronteira, maibéi informasaun ida ne'e tenke halo investigasaun,” deklara Deputadu Mandati.

Entretanto tuir fontes Tempo Timor iha Mota Ain dehan kareta ne’ebe lori senor Yosep mai too Atabae ne’e tama legal no hetan autorizasaun husi autoridade balun maibe la’os vise Ministru Interior. (*)

Page 1 of 18

.