Tuir Fontes konfirmadu husi www.tempotimor.com esplika, autoridade sira kaptura LP tanba diskonfia iha indikasaun ba kazu ida liga ho konstrusaun edifisiu Komisaun Funsaun Públika iha Matadouru, Dili.
Kronolojia kapturasaun ne’e, maka, autoridade SIK ho ekipa kaptura LP iha ninia servisu fatin edifisiu MNEK Praira dos Coqueiros Dili , ohin, iha tuku 90:00 dader oras servisu nian.
“Autoridade sira iha dadersan ne’e kaptura ona funsionáriu MNEK ida ne’ebé antes ne’e asume mós kargu hanesan Prezidente KFP ho naran LP”, fontes ne’e hateten ba jornalista www.tempotimor.com via telefónika.
Nia konta tuir katak, ekipa ne’e ba kaptura ho karreta 2, no hafoin kaptura lori direta LP ba edifisiu SIK iha Kaikoli.
“Autoridade SIK ho parte intelijénsia sira kaptura LP tanba diskonfia involve iha kazu balun inklui kazu konstrusaun edifisiu Komisaun Funsaun Publika tuir Tribunal das kontas nia relatóriu”, fontes ne’e haktuir. (*)