Tuir Vise Ministra Solidariedade Sosiál no Inkluzaun, Signi Chandrawati Verdial, parte governu sei apoiu emerjénsia uluk ba vítima insendiu sira depois mak hanoin hamutuk ba apoiu fíziku nian.
"Husi MSSI normalmente ita servisu hamutuk ho Protesaun Sivíl, mai rekolla dadus no ita tenta lalais apoiu ba komunidade ne'ebé presiza, ita bele hatun lalais ohin loron," dehan Vise MSSI, Signi Verdial iha fatin akontesimentu eis merkadu Komoro (29/07).
Iha fatin hanesan, Sekretáriu Estadu Komunikasaun Sosiál (SEKomS), Merício Juvinal dos Reis “Akara” katak, prioridade mak atende emerjénsia ba vítima sira-nia nesesidade.
"Primeru fó atendimentu hanesan iha espasu para aguenta hela lai, ita identifika saida mak ita apoia, ne'ebé faze primeiru identifika fatin, prepara mós sira-nia ai-han loron loron, depois identifika sira-nia fatin provisoriu, importante mak governu prontu apoiu," dehan Akara.
Tuir planu governu sei evakua vítima sira ba eskola ne’ebé mamuk hodi hela provizóriu, bainhira vítima sira apoiu hotu ona apoiu mak bele fila ba hela fatin.
Entertantu to'o agora seidauk identifika uma-ka’in hira mak ahi han no animal hira mak lakon. Tanba ne’e ekipa husi Ministru Administrasaun Estatál (MAE) ho nia komitiva hamutuk ho Sekrtáriu Estadu Protesaun Sivíl (SEPS) iha hela terenu hodi rekolla dadus.(*)