“Iha prosesu ne'ebé mak ita la'o ona ezekusaun orsamentu 2020 ne'ebé mak iha fundu infraestrutura, ita la'o iha buat balu ne'ebé mak iha konstrusaun tribunál Dili nian mak ita atinje ona pursentu 25”, dehan nia hafoin reuniaun ho Prezidente Repúblika, Francisco Guterres 'Lú Olo', iha palásiu prezidensiál Bairopite, tersa (27/07).
Maibé Tribunál Rekursu mós esforsu atu ezekusaun orsamentu ba obra ne'e bele hotu iha tinan 2021, atu iha tinan 2022 bele prevé orsametu ba obra ne'e nafatin maibé ho prosesu ne'ebé mak diferente atu kontinua to'o hotu.
Entretantu, Tribunál Distritál Dili ne'ebé lokaliza iha área Kaikoli hahú lansa husi empreza Xina iha loron 05 fulan-dezembru tinan 2020) ho metru kuadradu 9.000 no investe orsamentu hamutuk millaun US$11.
Antes ne’e, Prezidente Tribunál Rekursu, Deonlindo mós deklara ona katak, prosesu konstrusaun ba edifísiu foun Tribunál Distritál Dili (TDD) la'o hela. (*)
