“Labarik sira ne'ebe mak ita identifika ne'e husi 0 to'o 17 anos, ida ne'e mak ita tau kategória hanesan labarik no joven ne'ebe mak iha situasaun risku”, esplika nia iha Otel JL Villa, Fatuhada, kinta (10/02).
Ba lei ne'e bele mós proteje joven ho idade 25, ne'ebé hasoru situasaun difísil, tanba tuir kódiku penál, labarik sira ne'ebé mak idade sei 16 ne'e seidauk iha diretu atu hetan julgamentu iha ne'eba, no sira-nia idade ne'e mak seidauk to'o entaun tenke proteje sira husi lei.
Dadauk totál artigu testu orijen ne'e hamutuk 103, maibé tanba deputadu sira adisiona tan artigu balun entaun artigu ne'e sa'e ba 158.
Maibé iha kestaun balun ne'ebé mak komisaun F presiza iha rekursu liliu iha artigu 3, 37,38, 82, ne'ebé ko'alia kona-bá labarik nu-seu-tudu entaun iha deputadu balun hakarak halo rekursu tanba iha espesifikamente ba lei ida ne'e ko'alia kona-ba labarik ho joven sira ne'ebé iha situasaun risku, no la ko'alia labarik no-seu-tudu.
Parte Prezidente Komisaun mós prontu halo debate rekursu ne'ebé iha, tanba ko'alia kona-ba lei labarik no-seu-tudu ne'e buat ketak ida, no labarik ne'ebé mak iha situasaun risku ne'e buat ketak.
Kona-ba situasaun risku ba labarik no joven sira ne'e iha buat barak, dalaruma sira hetan presegisaun husi família rasik no ema ne'ebe mak haki'ak sira, halo servisu obrugatóriu nomos dala ruma labarik sira-nia diretu atu asesu ba edukasaun ne'e laiha.
Purtantu ko’alia kona-ba diretu ema nian ne'e en-jerál maibé diretu espesífiku ba labarik ne'e tenke grantidu iha lei ruma, entaun ne'e liga ona ba lei ida labarik, liliu labarik sira ne'ebe tinan hira ne'e ladun hetan atensaun másimu husi inan aman no família. (*)