“Nu'udar médiku espesialista moras fuan nian, ha'u-nia prezensa ohin loron nian iha atividade ida ne'e atu fó palestra tema prevensaun atake kardiaku, katak moras fuan, ita hatene moras atake kardiaku ka atakasaun fuan, sai nu'udar prekupante iha mundu istimasaun globál hatudu katak besik 2.000 milhões iha mundu tomak sofre moras atakasaun fuan”, dehan Erculano, iha salaun MSSI, Kaikoli Dili, kinta (24/03).
Ba Timor-Leste iha istimasaun husi Organizasaun Mundiál Saúde (OMS) halo rihun 1 abitante no iha 2000 abitantes mak hetan moras fuan.
“Ita-nia dadus konsulta iha Ospitál Nasionál Guidu Valadare (HNGV), hahú husi fulan-janeiru to’o dezembru tinan 2021, ita konsulta no rejistu moras fuan ho totál 4550, ida ne'e ita haree kuaze 20% atakasaun fuan, arteria koronaria no anjaina pektores”, esplika nia.
Tanba abitante barak mak seidauk hatene loloos sintoma no sinál moras akate fuan, sira barak mak tarde buka atendementu médiku ba fasilidade saúde sira atu atendementu ba nia moras ne'e.
“Fuan ne'e sai fatór kontribui mortalidade sei mai ospitál tarde, demora iha uma entaun kleur liu atu idendifikasaun sintoma moras fuan ladún di'ak, ita hatene atake kardiaku ne'e iha nasaun ne'ebé de'it iha mundu tomak tenke halo diagonosa ho durasaun menus 10 minutu”, esplika nia. (*)
