“Ohin, halo despedida ho Médiku Brigada Kubanu sira ne'ebé mak durante sira hala'o kna’ar iha HNGV hanesan médiku no servisu hamutuk ho pesoál saúde sira no ita-nia médiku sira ne'ebé mak durante ne'e mak hala'o atendementu iha HNGV. Maibé ohin loron ba sira-nia misaun hotu ona, e sira ne'e ekipa dalima ne'ebé mak mai hala'o misaun iha Timor e sira hamutuk na'in-26 ne'ebé mak halo sira-nia misaun hotu ona”, dehan nia iha HNGV, Bidau, kinta (07/04).

Médiku Kubanu na'in-26 lafila dala ida maibé sira sei fila tuir etapa ba etapa ne'ebé mak iha, maske sira-nia misaun remata ona, maibé sira sei hein bainhira sira-nia troka ne'e mai ona iha Timor-Leste hafoin sira bele fila.

"Ohin ne'e ita halo despedidade ba sira hotu, atu nune'e sira-nia troka ne'ebé mak mai ne'e kontinua fali sira-nia kna’ar hanesan médiku ho fó atendementu iha ne'e”, informa nia.

Maske mandandu remata, sei iha médiku sira foun atu kontinua servisu hamutuk ho pesoál saúde no médiku sira atu atende nafatin pasiénte sira iha HNGV.

Koordenadora Brigada Médiku Kubana, Elba Cabrales hatete, nia husu ba médiku timoroan sira kontinua aprende hodi fó atendementu di'ak ba pasiénte sira.

"Durante tinan tolu ami servisu hamutuk ho médiku timoroan iha HNGV di'ak tebes hodi atende pasiénte sira, maske sira-nia misaun remata maibé husu médiku timoroan sira kontinua aprende no mantein fó atendementu di'ak ba pasiénte sira”, dehan nia.

Ba Médiku Kubanu na'in-26 ne'e servisu iha área Pediatria, Farmaeutika medisina interna, radiolojia, sirujia jerál, dermatolojia no seluk-seluk tán. (*)