Tanba Telekomunikasi Indonézia International nu’udar operatór telekomunikasaun ne’ebé ezisti iha nasaun Timor-Leste durante tinan sia (9) hanaran Telkomcel.
Tuir karta komunikadu ne’ebé www.tempotimor.com asesu katak, Responde ba situasaun hirak ne'e, Telkomcel hala'o atividade sosiál liuhusi CSR ne’ebé haree liuba situasaun atual iha rai laran liliu kazu dengue halo labarik no família barak afetadu moras husi dengue husi loron ba loron número kazu dengue aumenta ba bebeik.
Nune’e, Telkomcel hakarak oferese mákina rega susuk (fogging) unidade rua (2) ba Ministerio Saude (MS) hodi tulun servisu Ministériu Saúde nian no bele reduz kazu dengue iha Timor-Leste.
Aliende ne'e, Telkomcel mós halo atividade voluntarizmu rega susuk iha edifísiu Telkomcel, Santos Living, Aldeia São José Nazare-Aimutin no Timor Plaza andar 2, andar 3, andar 4 nomós rezidénsia funsionáriu no Ambiente lokál ho distánsia kilometru ida (1).
Ho atividade refere kolabora ho Ministéeriu Saúde rega susuk hamutuk iha komunidade.
Ba servisu mákina rega susuk hodi ajuda reduz moras dengue ne’ebé agora liuhusi susuk Aedes Aegypti ne’ebé halo movimentu iha ambiente fó moras ba ema nia isin liliu labarik sirs-nia saúde no sai ameasa ba labarik sirs-nia vida. Tanba tuir daduz husi Ministériu Saúde kazu dengue hamate ona labarik sira hamutuk 45.
Chief Exceutive Officer (CEO) Telkomcel, Benedictus Ardiyanto Priyo hatete, Telkomcel hanesan parseiru kontrubui ba dezenvolvimentu nasaun RDTL iha kompromisu nafatin apoiu Governu Timor-Leste lihusi Ministériu Saúde hodi bele ajuda no suporta servisu Ministériu no aselera prosesu atendementu pasiénte ho moras infesaun dengue iha Timor-Leste.
“Ami espera ho fasilidade ida ne'e bele fó benefisiu ba ema hotu, liliu ba labarik sira-nia mak sai nu’udar futuru nasaun nian”, dehan nia.
Ba serimónia entrega mákina fogging ho unidade 2 ne'e hanesan kontinuasaun husi atividade CSR, Telkomcel konsistente ho naran "Telkomcel Care" husi etapa permeiru iha fulan-febereiru tinan 2021, Telkomcel apoiu mákina ventiladór hodi ajuda prosesu dada iss ka respiratóriu.
Ba etapa daruak, iha fulan-juñu tinan 2021, Telkomcel ajuda tan mákina Genose-19 hodi identifika infesaun moras Covid-19 ho lais. Iha etapa datoluk, selebra aniversáriu Telkomcel ba dala-9, Telkomcel oferese tan karreta ambulánsia unidade ida (1) ba Ministériu Saúde, hodi aselera servisu atendementu Covid-19.
Nune’e mós etapa dahaat, Telkomcel hala’o atividade sosiál haree ba kazu moras dengue ne’ebé agora la’o no afetadu barak liuba labarik sira nia saúde. Tanba ne’e, Telkomcel apoiu tan ekipamentu mákina rega susuk (fogging) ba Ministériu Saúde hodi bela ajuda reduz moras dengue iha Timor-Leste. (*)
