“Hakarak atu hato'o ba ita-boot sira katak kona-ba ita laiha médiku ne’ebé sufisiente sikinifika katak ita tenke haruka ita-nia oan sira ba eskola, ita tenke eskola, ema Purugua oan sira tenke ba eskola labele halimar de’it iha uma”, dehan nia ba komunidade sira iha Purugua, tersa (21/06).
Xefe Suku Purugua, Claudino Bere Pelu informa, Governu instala duni klínika iha suku Purugua maibé iha de’it mak parteira ida ho cleaner ida.
“Klaru ke ospitál iha suku Purugua iha kedas maibé ami iha de’it parteira ida ho cleaner ida tanba ne’e ami presiza mós doutór maibé doutór mak laiha”, dehan nia.
Maske uluk iha duni doutor ida maibé tanba nia kondisaun saúde ne’ebé liga ba nia fuan mak la di’ak nune’e nia halo karta tranferénsia no ba servisu filafali iha Nasionál.
Iha klínika Suku Purugua iha ai-moruk no fasilidade ne’ebé sufisiente no dadaun ne’e parteira ida de’it mak atende pasiénte sira iha suku laran. (*)