Ministru Prezidénsia Konsellu Ministru, Fidelis Leite Magalhães hatete, Pretende ho kriasaun INSP-TL ne’e atu tau hamutuk iha institutu úniku ida atribuisaun sira hanesa monitorizasaun, avaliasaun no análiza estadu jerál saúde, kolaborasaun iha vijilánsia epidemiolójika no sanitária, investigasaun sientífika no kontrolu risku no ameasa sira ba saúde públika, dezenvolvimentu no formasaun rekursu umanu sira, peskiza no inkorporasaun teknolójika iha saúde públika, nune’e mós kontrolu ba kualidade ne’ebé determina iha área sira saúde nian.

Iha ámbitu atribuisaun sira-ne’e, iha kooperasaun ka rede ho institutu konjénere ho país sira seluk, hakarak kria organizasaun ida ho baze sientífika ida-ne’ebé forte hodi disponibiliza lideransa no esperiénsia ba esforsu sira ne’ebé halo ona iha nível nasionál.

Tanba ne’e, alkansa substánsia di’ak sira no ba prazu naruk saúde públika, no afirma oinsá fonte fiavel ida akonsellamentu ba formulasaun polítika no toma desizaun husi responsavel polítiku sira. (*)