Família Pasiente, Ana Natalia Perreira hatete, durante fulan-rua ona doutór sira seidauk halo atendimentu ba bebé GJ ne'ebé sofre moras Hidrosefalus tanba laiha ai-moruk.

“Ha'u husu ba nia maibé aimoruk ba nia bele l iha, agora dadaun nia kondisaun nafatin hela e depois durante iha ne'e nia toba loos de'it ai-moruk laiha nia hetan de'it antibiotik loos de'it ida ba nia ulun ida kanek ne'e to'o agora para ona mais to'o agora doutór sira seidauk ko'alia buat ida”, dehan nia ba jornalista sira iha Sala Baixo ba labarik iha HNGV, tersa (06/09).

Kona-ba kondisaun GJ nia doutór seidauk iha esplika klaru ba Pasiénte nia inan ne'ebé durante ne'e akompaña nia oan GJ ne'ebé sofre moras Hidrosefalus iha HNGV.

“Nia pas atende de'it iha momentu tama nia ne'e to'o agora mais seidauk mai atende nia ko'alia de'it dehan pesan ona mangeira mais fulan ida ona mangeira ne'e seidauk mai, doutór ida atende nia ne'e seidauk tama mai sira seidauk ko'alia buat ruma, ha’u husu tuir mais doutór ida tangani nia ne'e seidauk esplika klaru liu sira seluk la hatene nia moras ne'e, entaun lorloron toba loos de'it hanesan ne'e”, afirma nia.

Tanba ai-moruk laiha no menus atendimentu husi doutór sira, nune'e,  inan ba Pasiénte refere ezije atu halo transferénsia Pasiénte GJ ba rai li'ur hodi halo tratamentu. (*)