Tuir komunikadu ne'ebé www.tempotimor.com asesu iha pájina ofisiál Primeiru Minístru, Taur Matan Ruak katak, ho laran triste nia hato'o sentidu kondolensia ba família matebian ne'ebé iha enlutadu nia laran.
“Novidades triste, ita lakon ona Timor-Leste nia heroi boot Avo Jape, na’in ba Timor Plaza, ne’ebé dedika kuaze nia vida balun hodi kontribui baa prosesu dezenvolvimentu nasional, profunda sentidas kondolensias ba família Avo Jape nian”, haktuir PM Taur
Nune'e nia hatutan, Matebian konsege rai hela Memoria furak iha Timór Leste ne'ebé sei metin iha povu Timor Leste nia fuan.
“Deskansa ho hakmatek iha reinu lalehan. Nia obra no memoria sei nafatin metin iha povu timor nia fuan, paz sua alma”, espresa PM Taur.
Na’in ba Timor Plaza, Jape Kong Su moris iha loron 01 fulan-janeiru tinan 1927 no hakotu ona nia perigrinasaun iha mundu real ho tinan 97, iha loron 26 fulan-setembru tinan 2022.
Matebian Jape husik hela nia kaben 'fen', Lai Min Ha ho oan hanesan, Julia, Ian, Kenny, Alan, Wendy, Tony, Connie, Danny, Pamela no beioan sira hotu. (*)