"Sim, iha Sagadate Aldeia Iasula horseik bebe ne'e feto, horseik sira hetan pur-volta tuku 10 hanesan ne'e", dehan Xefe Suku Sagadate, Aureliano de Jesus ba www.tempotimor.com via telefone, Kinta (29/12).
Tuir kronolojia, inan ferik ida atu ba hili kulu mak haree hetan bebe feto ne'e, nune'e halai fila fó hatene komunidade seluk hodi haree no fó hatene parte seguránsa halo evakua ba uma mahon Baukau.
Hafoin akontese aktus inresponsabilidade ne'e, autoridade Suku, Xefe Aldeia, delegadu no delegada sira halo investigasaun klean ba sidadaun feto sira husi Aldeia Iasula konsege hetan inan ba bebe refere.
"Sira ba investiga sira hetan duni bebe ne'e nia inan, ami entrega kedas ba polísia halo investugasaun, mane ne'e sé mak halo isin rua feto ne'e karik, tenke investigasaun didiak," nia hatete
Husu autoridade seguránsa atu halo investigasaun klean ba inan husi bebe, nune'e bele hetan aman ba bebe refere. (*)