Númeru kazu pozitivu ne’ebé kada loron aumenta, tanba komunidade sira la proteze-an no kontra nafatin serka sanitária no konfinamentu domisiliáriu obrigatória.

Nia hatutan, loron ba loron kazu pozitivu covid-19 aumemta ne'e signifika vírus ne'e hada'et hela loron ba loron iha populasaun nia leet liuliu husi aglomerasaun ka halibur malu barak.

"Se iha ema ida mak pozitivu ema ne'e rasik la proteze nia-an hodi la uza máskra no medida protesaun sira seluk nune'e sira seluk mós la uza máskra laiha medida prevensaun entaun prosesu hada'et virus ne'e husi ema ida ba ema seluk fasil liután”, dehan nia liuhusi Zoom conference, segunda (22/03)

Tanba ne'e mak hahú kedan pandamia komesa iha mundu, kazu sa'e maka’as iha mundu mak ekipamentu saúde sira sempre apela ba populasaun atu lalika halibur malu barak.

" Tanba ita la hatene se mak iha vírus ne'e liuliu wainhira ema ne'e la hatudu sintomas ka hanesan loroloron ita temi asintomátika”.(*)