Pro Kontra Vasina AstraZeneca : Aban, PM Taur Ho Membru Governu Sei Simu Uluk 

Tempotimor (Dili)- Atu fo konfiansa ba publiku, aban loron 07 fulan-abríl tinan ne'e, Primeiru Ministru (PM), Taur Matan Ruak ho ninia membru governu prontu ona atu simu uluk vasina AstraZeneca ne'ebé hahú implenta iha Timor-Leste.

PM Taur, afirma prontu simu uluk, tanba konsidera vasina ne'e iha benefisiu atu hasoru moras Covid-19.

"Bom, ha'u hakarak mós para aviza ita-nia membru governu sira liliu ne'ebé lidera husi Vise-Primeiru Ministra bolu dehan, komisaun interministerial kona-ba trata vasina nian, vasina horseik to'o, no aban (07/04) séi vasina, ha'u mak oferese ha'u-nia aan hanesan primeiru ema simu vasina”, Dehan PM Taur Matan Ruak iha Taibessi, tersa (06/04).

Vasina AstraZeneca ne'e, atu evita ema hotu labele afeita no mate tanba Covid-19 maske la’o tinan ida ho balun ona maibé seidauk iha aí-moruk ida atubele kura no vasina refere hamosu hodi prevene.

"Hatudu ba inan-aman sira katak, vasina ida ne'e, seguru, di'ak, liuliu para evita ita ba para iha ospitál, mate tanba Covid, mate tanba destinu, mas labele mate tanba Covid”, afirma Taur.

Vasina ne'e, karik hetan moras Covid-19 mós labele todan, kontinua reziste

"Ita-nia planu halo buat hotu para áte dezembru tinan ida ne'e, Timor laran tomak bele hetan vasina, tanba tinan oin ita iha festa demokrásia, ita hili prezidente foun, entaun ita hakarak inan-aman sira la'o normál livre, lalika halo tán hanesan agora ita tauk subar tiha oin, máskra tun sa'e”, dehan PM.

Nune'e, tenke servisu maka’as atu vasina AstraZeneca ne'e to'o kompletu mai Timor-Leste.

"Vasina foin ida mai ne'e 24 mill, sé rihun 24 de'it, ema ida simu dala rua, sei ba ema rihun 12 de'it, ita Timor agora to'o ona (ema) 1,3 ou 1,5 juta, ne'e signifika ita presiza (vasina) 3 juta”, esklarese nia.

Tuir planu, loron kuarta 07 fulan-abríl tinan ne'e, Primeiru Ministru (PM), Taur Matan Ruak ho membru governu sira sei simu vasina AstraZeneca iha sentru saúde Formoza. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter