Rezultadu ne'ebé hatudu funsionáriu na'in-2 komfirmadu ba moras Covid-19 ne'e hafoin teste SWAB iha loron, domingu (18/04).

Nune'e, ema na'in-rua ne'e dadaun hein de'it iha palásiu governu hodi evakua ba sala izolamentu, maske pozitivu maibé funsionáriu na’in-2 ne’e hala’o servisu, hafoin Ekipa saúde no Sentru Integradu Jestaun ba Krize tama iha Palásiu Governu hodi foti pasiénte sira.

Xefe Gabinete PM, Azevedo Marcal, rekuñese funsionáriu na’in-rua ne’ebé teste swab pozitivu.

"Ami hotu ne’ebé kontaktu besik sira, teste swab hotu, Inklui Primeiru Ministru”, dehan Azevedo ba www.tempotimor.com, segunda (19/04).

Ho situasaun ne'e, tuir observasaun tempotimor iha terenu nota katak, maizoumenus tuku 13:00 otl, parte ekipa konjunta prevensaun mitigasaun surtu Covid-19 prezensa iha palásiu governu hodi haruka funsionáriu hirak ne'ebé kontaktu besik ho pozitivu na'in-rua.

Falta minutu balun tama ba 14:00 otl ambulansia rua tama ba resintu Palásiu Governu hodi tula sai funsionáriu na’in-rua ne'ebé ba sala izolamentu. (*)