Funsionáriu Gabinete PM Pozitivu Covid-19, Taur Matan Ruak Ohin Teste Swab

By Tempo Timor April 19, 2021 2560

font size decrease font size increase font size
Print
Email

Primieru Ministru Taur Matan Ruak akompania husi Xefe gabinete PM nian, Dr. Azevedo Marcal wainhira hasoru malu ho ema balun iha Palasiu Governu iha tempu ruma liu ba Foto Arkivu

Tempotimor (Dili) - Primeiru Ministru (PM), Taur Matan Ruak, segunda ohin (19/04) halo teste swab tan fali, tanba funsionáriu Gabinete PM na’in-rua (2) ne’ebé detetado pozitivu ba Covid-19.

Funsionáriu na'in-rua (2) ne’ebé komfirmadu moras Covid-19 iha palásiu governu, iha segunda (19/40), ne'e hafoin teste SWAB iha loron, domingu (18/04).

"Ohin Primeiru Ministru no staff sira ne’ebé halo close contact ho sira halo fali ona teste swab foun. PM ninia rezultadu teste negativu”, informa Azevedo Marcal, Xefe Gabinete PM,Taur Matan Ruak ba www.tempotimor.com, segunda (19/04).

Tanba ne’e, Governu sei kumpri nafatin protokolu ne’ebé fó sai husi Organizasaun Mundial Saúde OSM) no sala situasun-Sentru Integradu Jestaun ba Krize (SIJK).

"Ita kumpri protokolu sanitária no hakruk ba servisu Saúde no Sala Situasaun”, hatete nia.

Entrentantu funsionáriu Gabinete PM na’iin-rua ne'ebé pozitivu Covid-19 oras ne'e iha ona fatin izolamentu hodi hetan tratamentu. (*)

Rate this item

(4 votes)

Last modified on Monday, 19 April 2021 16:59

« Funsionáriu Gabinete PM Taur Na’in-2 Pozitivu Covid-19 Klinika Bairo Pite Rejista Pasiénte Rihun 12 iha Fulan-marsu »

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com