“Kazu detetatu foun ne’ebé relata ohin, loron 19 fulan-maiu tinan 2021 hamutuk 178 iha Dili 147, iha munisípiu seluk 31 no kazu ativu 2302”, deklara Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria Araújo liuhusi komunikandu imprensa, kuarta (19/05)
Husi totál kazu detetadu foun iha mane 113 no feto 65, idade tinan 12 na'in-1, ho idade, entre tinan 12-59 na'in-171 (97,1%) ho idade 60 na'in-6.
Proporsaun kazu sintomátiku hamutuk 7,8%, kazu rekuperadu 119 no totál kazu konfirmadu kumulativu iha loron 19 fulan-maiu tinan 2021 (sura husi 21 Marsu 2020) 4949.
Durante loron rua nia laran loron 18 to’o 19 fulan-maiu, hamutuk hotu Laboratóriu Nasionál Saúde (LNS) halo 1038 testes PCR iha Dili, ho detalla hanesan, vijilánsia sentinela 30, rastreiu ba kontaktu (contact tracing) 133, rastreiu aleatoriu (random screening) 211, viajen sai husi serka sanitária Munisípiu Dili 611, viajen internasionál 28 no follow up iha kuarentena 25.
Rezultadu testes PCR ne’ebé halo iha loron 18 fulan-maiu iha Munisipiu sira seluk, REAOA ho HNGV, hamutuk 670, ho detalla hanesa, Baukau 41, Ermera 95, Maliana 3, Maubisse 152, RAEOA 5, Suai 90, Vikeke 161 no HNGV 130. (*)