Tanba, dadaun ne’e Timor-Leste (TL) seidauk iha lei atu obriga funsionáriu públiku sira atu simu vasina saida de’it.

Maske, governu liuhosi Konselhu Ministru (KM) deside aprova ona rezulsaun ba funsionáriu hothotu atu obrigatóriu simu vasina AstraZeneca, nu’udar opsaun ida hodi kombate covid-19.

Maibé, prevene covid-19, funsionáriu no sidadaun sira mak tenke iha konsiénsia atu simu vasina maibé la’ós obrigatóriu.

“Áte agora governu seidauk foti desizaun, e laiha mós lei ida atu obrigatóriu hatete katak hothotu tenke simu vasina. Ne'ebé filafali ba konsiénsia (kesadaran) husi sidadaun sira, no konsiénsia husi funsionáriu públiku sira atubele ba vasina”, dehan nia ba www.tempotimor.com iha PN, sesta (21/05).

Pozisaun Bankada PD mós haree mesmu funsionáriu nia papél iha sira-nia servisu fatin importante maibé iha rezolusaun governu nian ne'e, tenke haree fali, tanba seidauk obrigatóriu atu sidadaun ka funsionáriu ba simu vasina.

“Mais ha’u husu nafatin ba maluk sira atu ba vasina tanba so ida ne'e de'it mak bele salva ita husi covid”, dehan nia. (*)