Pasiente na'in-14 durante ne’e halo tratamentu saúde no hetan rekuoeradu mak fila mai to'o iha Aeroportu Internasional Prezidente Nilcolau Lobato, Komoro ho Aviaun Citilink, marka A 320.
"Ita uza oportunidade ida ne'e, tanba mai husi Indonézia mamuk, entaun ita tula ita-nia maluk timoroan sira ne'ebé mak durante ne'e ba hetan tratamentu iha ne'ebá (Indonézia) tanba moras, hamutuk 13 pesoál, sira tratamentu iha Siliwang ne'e, di'ak tiha ona”, informa Diretór Citilink iha TL, Fernando da Silva iha Aeroportu Internasional Nicolau Lobato, kinta (27/05).
Aliende ne’e, aviaun Citilink tula mós ho pasajeiru na'in-3 feto rua, nu'udár família husi saudoza Merita Alves nian ne'ebé mai atu akompaña serimónia funerál.
Pasajeiru mane, nuudár matebian Eduardo Barreto de Jesus "Dusae", nia oan ne’ebé tuir nia aman ba halo tratamentu saúde iha Ospitál Siliwang, Jakarta Indonézia.
Entretantu, "charter" Aviaun ne'e, iha kooperasaun entre givernu TL liuhusi parte Citilink ho embaixada Xina atu tula fila sidadaun Xineza hamutuk na'in-140 ne'ebé durante servisu iha TL. (*)