“Informasaun ne'ebé espalla iha mídia hatete katak, traballadór sira ne'ebé mak ba Austrália tenke simu Vasina AstraZeneca, ne'e loos duni ne'e kriteriu ne'ebé mak sira aumenta tan e depois akontese Covid, Covid ne'e espalla iha mundu tomak inklui Timor-Leste mós nasaun ida ne'ebé afeita iha fulan hirak nia laran, ita kuaze que númeru Covid ne'e sa'e entaun ida ne'e akontese sai dadus ba sira atu sira ho tan kriteria mak traballadór hothotu ne'ebé mak servisu iha Austrália tenke kompleta AstraZeneca dalarua”, dehan Paulo Alves iha salaun SEFOPE, Kaikoli, sesta (06/08).

Ho kritéria ne’ebé iha bainhira Governu simu husi Governu Austrália, SEFOPE avizu ba departamentu exterior hodi esplika ba traballadór sira ne'ebé serbisu iha Austrália tenke simu Vasina AstraZeneca.

“Entaun ami avizu ona ba departamentu Exterior no avizu ona ba traballadór naran iha ona sistema baze de dadus iha atu sira bele ba sona AsrtZeneca dalarua depois para bele aborda dadus, depois kompaña ruma mai rekrutamentu karik ita hatama ema sira ne'e" afirma nia.

Maibé ba traballadór sira ne'ebé simu ona Sinovac laiha desizaun, tanba kritériu husi Governu Austrália nian katak iha Timor-Leste vasina rua hanesan AsrtZeneca ho Sinovac, maibé rimeiru tama iha Timor-Leste mak AstraZeneca.

“E kuaze maioria populasaun kuaze simu vasina AstraZeneca, no AztraZeneca ne'e ita hetan apoiu husi Austrália tanba ida ne'e mak ida hanesan kritéria pedidu sira-nian tanba ita-nia ema mak servisu iha ema nia rain, ema mak presiza ita ne'ebé ho ida ne'e ami tenke fó sai labele taka, ne'e para ikus mai labele mosu kestaun, ne'ebé ba sira ne'ebé mak ba servisu iha Austrália tenke simu AstraZeneca dalarua”, esplika nia.

Maibé sidadaun ne’ebé atu ba servisu iha nasaun Korea Súl bele simu vasina AstraZeneca dalarua no bele mós simu Vasina Sinovac darua, tanba laiha kritériu husi nasaun Korea rasik. (*)