"Iha oportunidade ida-ne’e Bankada FRETILIN espresa sentimentu kondolénsia ba família sira ne’ebé lakon sira-nia ema, membru família nian husi Pandemia Covid-19 ne’ebé tuir relatóriu ikus liu hamutuk ema na’in-50", dehan Xefe bankada FRETILIN, Francisco Miranda Branco, iha plenária PN, tersa (24/08).
Ba profisionál saúde no ema hothotu ne’ebé servisu no sakrifika sira-nia an ba povu no nasaun nia prosperidade, mak FRETILIN nafatin presta omenajen ba sira hotu.
Deputada Bankada PD, Elvina Souza hatete, PD nafatin hato'o sentidu kondolénsia ba sidadaun timoroan sira ne'ebé mate nu'udar kauza husi Covid-19.
"Bankada PD hakarak hato'o sentidu kondolénsia ba maluk sira ne'ebé husik ona mundu, kauza husi vírus Covid-19", hatete nia.
Nune'e mós fó korajen ba pesoál sira ne'ebé agora dadaun luta hela ba moras Covid-19 iha izolamentu Vera Crus nomós izolamentu sira iha teritória tomak. (*)
