"Ita atu dehan kumpri no la kumpri ita bele dehan ema ne'ebé mak kumpri mak pursentu 30 (30%) ba ema ne'ebé iha konsiénsia mak kumpri maibé ba joven sira ida ne'ebé mak hanoin katak Covid-19 ne'e bosok ne'e la kumpri, la maioria mak kumpri”, informa, Alcina ba www.tempotimor.com liuhusi telefone, segunda (06/09).

Iha loron lima fulan-setembru tinan 2021 ne’e, Sentru Integradu Jestaun ba Krize konsege rejista kazu pozitivu hamutuk 18 iha Postu Ataúro, tanba durante ne'e laiha komunikasaun entre Autoridade no líder Komunitariu sira.

"Fó impaktu mak komunikasaun la di'ak ida-idak haree ba nia servisu no ladún haree ba assuntu ida ne'ebé mak sai hanesan risku alarma hela ba komunidade sira entaun komunidade sira ida-idak la'o ninian no la tuir ninia hakarak”, hatete nia.

Dadaun ne'e sidadaun ne'ebé mak simu ona vasina doze dahuluk husi Vasina AstraZeneca no Sinovac hamutuk 3.922, no simu ona deze daruak hamutuk 2.516. (*)