."Kazu rekuperadu ne’ebé ralata ohin loron 7 Setembru 2021 hamutuk 379 no mate na'in-3 iha izolamentu", dehan nia liuhusi komunikadu imprensa, tersa (07/09).
Enkuantu kazu detetadu foun na'in-190 (iha Dili 122, Baukau 25, Lautein 9, RAEOA 8, Ainaro 7, Bobonaro 6 ho munisípiu seluk hamutuk 13) mane 99, feto 91 ho idade tinan 20 na'in-21 (11,0%) ho idade entre 12-59 na'in-159 (83,6%), ho idade 60 na'in-10.
Husi totál kazu detetadu foun 22 kazuka 27,5% mak sintomátiku (hatudu sintomas), kazu ativu 3.941 no totál kazu konfirmadu kumulativu iha 7 Setembru 2021 (sura husi 21 Marsu 2020) hamutuk 17.888.
Entretantu totál óbitu ne’ebérelata iha loron 07 fulan-setembru, na'in- 3 (tolu), ho detalla hanesan mane ho idade 52, Timoroan, hela iha Dili, seidauk vasina, iha 6 Setembru 2021, diagnóstikadu iha HNGV, ho sindroma insufisiénsia respiratória aguda (SIRA) tanba Covid-19. Matebian sofre mós AVC iskémiku no iis-kotu 20h50, horikalan iha Vera Cruz.
Iha mós matebain mane ho idade 49, Timoroan, hela iha Dili, vasina kompletu AstraZeneca, ohin madrugada diagnóstikadu iha HNGV, ho sindroma insufisiénsia respiratória aguda (SIRA) tanba Covid-19. Matebian hala’o tratamento iha Vera Cruz maibé iis-kotu ohin dader 06h55.
Matebian feto ho idade 59, Timoroan, hela iha Ataúro, seidauk vasina, iha 6 Setembru 2021, diagnóstikadu iha Sentru Saúde Ataúro ho sindroma insufisiénsia respiratória aguda (SIRA) tanba Covid-19. Matebian iha istória sofre tuberkuloze, no mós anemia. Matebian iis-kotu ohin 14h20, iha Ataúro.
Nune'e família husi matebian na'in-3 kolabora ona ho ekipa saúde, atu hala’o funerál tuir protokolu ne’ebé adopta iha Timor-Leste.
Entretantu hahú loron 6 to'o 7 Setembru 2021, hamutuk hotu Laboratóriu Nasionál Saúde (LNS) halo 582 testes PCR iha Dili ho detalla hanesan vijilánsia sentinela 24, rastreiu ba kontaktu (contact tracing) 34, rastreiu aleatóriu (random screening) 81, viajen sai husi serka sanitária Munisípiu Dili 229, viajen internasionál 160 no follow up iha kuarentena 54.
Rezultadu testes PCR ne’ebé halo loron 6 fulan-Setembru, iha munisípiu sira seluk REAOA ho HNGV, hamutuk 581 ho detalla hanesan Baukau 134, Ermera 3, Maliana 42, Maubisse 23, RAEOA 45, Covalima-Suai 32, Vikeké 25, Lautein-Lospalos 65 no HNGV 212. (*)
