Xefe Bankada FRETILIN Seidauk Simu Vasina Kontra Covid-19

Xefe Bankada Frente Revolusionáriu Timor-Leste no Independente (FRETILIN), deputadu David Dias 'Mandati' Ximenes. Xefe Bankada Frente Revolusionáriu Timor-Leste no Independente (FRETILIN), deputadu David Dias 'Mandati' Ximenes. Foto Tempo Timor

Tempotimor (Dili)-Xefe Bankada Frente Revolusionáriu Timor-Leste no Independente (FRETILIN), deputadu David Dias 'Mandati' Ximenes, dadaun ne'e seidauk simu vasina kontra Covid-19 tanba infeta hela moras (rán-kentál).

"Ha'u seidauk vasina, tán saida, ha'u sai husi izolamentu, ha'u ba ospitál doutór sira dehan katak ha'u-nia rán ne'e sei kental oituan”, dehan nia iha Parlamentu Nasionál (PN), kinta (14/10).

Dadauk, deputadu bankada Fretilin ne'e mantein pozisaun lakohi simu vasina tanba bazeia ba deklarasaun husi doutór iha Ospitál Nasionál Guidu Valadares (HNGV), katak moras ida ne'e tenke liu tiha fulan rua mak hafoin bele simu vasina.

Maske nune'e, Parlamentu Nasionál dadauk organiza hela deputadu sira atu ba envolve iha kampaña vasinasaun iha Munisípiu Ainaro, Ermera, Bobonaro ne'ebé sei hahú iha loron sesta (15/10). 

Durante ne'e, Deputadu sira iha Parlamentu Nasionál sempre ba esplika kestaun Vasinasaun ne'e ba komunidade sira maibé laiha intensaun obriga ema atu simu vasina.

"Maibé karik ema hakarak moris entaun la'o ba vasina ba, tanba (porque) buat ne'e mate iha maromak nia liman, maibé bele mós ita apresa ita-nia prosesu mate”, afirma nia. (*)

Rate this item
(1 Vote)
Last modified on Thursday, 14 October 2021 20:12
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter