"Ohin ha'u mai simu tan doze ba dala-3, vasina hasoru ou kontra Covid-19, kuida orentasoene husi ita-nia ministériu saúde nian, bolu dehan doze reforsa ho ninia doze hanesan uluk", dehan PR Lú Olo iha Palasíu Presidensiál, segunda (17/01).

Tanba Covid-19 seidauk hotu iha Timor no seidauk hotu mós iha mundu. 

"Prontu rai barak mós simu ona vasina doze ba dala-3, di'ak liu tanba atu ita bele hothtu aseita vasina to'o dala-3 para bele proteze ita-nia an di'ak liután, hasoru variasaun Omicron ne'ebé tama ona iha Indonesia,  natarualmente ke buat ne'e la'o haksat liu fronteira ba iha rai hothotu", relata Xefe Estadu.

Tanba ne'e, husu hothotu simu vasina atu proteze-an di'ak liu, proteze família, proteze belun sira no proteze povu tomak.

Diretora Saúde Munsípiu Dili, Agostinha da Costa hatutan, ohin saúde husi munisípiu Dili fó vasina ba prezidente Lú Olo tuir desizaun ne'ebé Ministériu Saúde hamutuk ho organizasaun Saúde mundiál katak, sei perioridade ba orgaun soberania nian ba terseira doze.

"Ohin Saúde Munsípiu Dili mai fó terseira doze ba Prezidente Repúblika, hanesan mós desizaun ne'ebé mak Ministériu Saúde hamutuk ho organizasaun Saúde mundiál katak, sei perioridade ba orgaun soberania nian ba terseira doze nomós ba ema idade 60 ba leten ho komorbilidade no liña frente Sira", esplika nia.

Kona-ba liña Frente depois pesoál saúde iha mós ekipa seguransa nian ne'ebé mak iha totál hamutuk idade 60 anos ba leten por volta rihun 4 pesoál mak vasina ona ba terseira doze ba vasina Pfizer ne'e nian. 

"Terseira doze ida ne'e ohin mai atende Prezidente Repúblika, ita sei kontinua ba Ita-nia labarik idade 12  to'o menus idade 18  ba idade 60 komorbilidade, no ita sei hein nafatin ba loron 24 janeiru vasiansaun foun ne'ebé mai iha Timor laran", haktuir nia. 

Enkuantu Vasina Pfizer ne'ebé mak disponibel iha rihun 5, konta ba doze rihun 36, doze ne'ebé mai sei fó perioridade maka’as liu ba labarik 12 to'o 18 ne'ebé mak munsípiu Dili iha rihun 7 labarik ne'ebé mak seidauk kompleta segundo doze ba terseira doze. (*)