Tempotimor (Dili) - Parlamentu Nasional sei diskute proposta Orsamentu Jeral Estadu tinan fiskal 2020, nune'e tuir Deputadu Bankada CNRT konsidera OJE 2020 'expire' ona tanba kontra regra normal konstitusaun. 

Deputadu CNRT, Aderito Hugo da Costa hateten, Konstitusun RDTL artigu 86 alinea F hateten, formasaun governu foun bainhira Orsamentu Jeral Estadu la pasa iha Parlamentu Nasional, no governu utiliza Dotasaun Orsamentu Temporal (DOT) masimu fulan rua ka 60 dias ho nia gastu preve ba funsionamentu makina estadu hanesan saláriu no vensementu, no mós bens no servisu, maibe realidade mosu kapital dezenvolvementu, transferensia publiku no kapital menor to’o fulan-Setembru. 

Deputadu bankada opozisaun ne'e hatete, tanba politika hadau poder aranju kontra regras dixiplinar sira hotu no OJE 2020 laiha ona dalan no estemporaniu ona.

"Proposta OJE 2020 ne'e fora ona, estemporaniu ona tuir padraun lei orsamentu jestaun finanseiru nian," dehan Aderito ba www.tempotimor.com, iha Parlamentu Nasional, Kinta (1/10).

Hugo esplika, presiza haree korrespondente OJE 2020 nia baze legal tuir Konstituisaun, maibe proposta OJE 2020 laiha ona kanal legal, tanba bainhira governu ida nia orsamentu la aprova ona mas superior loron 60, ne'e kategoria ona grave krize institusional.

"Ne'e norma ne'ebé ita viola hotu ona, komesa husi konstituisaun to’o sirklu orsamental no rejime duadesimu nian ita kontra hotu ona," dehan Hugo. 

Tuir Aderito, hanesan institusaun demokratiku, CNRT kestiona ho aplikasaun regra normais hahú husi Konstituisaun to’o lei jestaun finanseira maibe bainhira rejime duadesimu ne'ebé alargadu tiha komesa husi Janeiru to’o Setembru la’os deit ona saláriu vensimentu ho bens no servisu ne'e diak liu governu la presiza ona aprezenta OJE 2020, maibe sustenta ho DOT de’it tanba kobre hotu ona kapital menor, transferensia publiku ho kapital dezenvolvementu.

"Ne'ebé la presiza ona aprezenta orsamentu 2020 tanba rejime duadesimu bele despeza to’o Dezembru, ita perturba hotu normas estadu ida ne'e," hakotu Hugo. 

Entertantu, total OJE tinan fiscal 2020 hamutuk billaun US$ 1.4 ne'ebé sei utiliza ba selu despeza inklui rekuperasaun ekonomia. (*) 

Tempotimor (Dili)-Deputadu CNRT Aderito Hugo da Costa hatete, atu rekupera ekonomia la’os fasil, maibé nia fó apoiu tanba ida ne’e nu’udar pratika di’ak ne’ebé halo iha nasaun hotu-hotu iha mundu.

Tempotimor (Dili)-Bankada Congresso Nacionál de Reconstrução de Timór (CNRT) deside sei halo analizasaun masimu kona-ba dokumentu ezukusaun no proposta Orsamentu Jeral Estadu (OJE) 2020 ne'ebe governu aprezenta ba Parlamentu Nasional.

Tempotimor (Dili)-Prezidente Parlamentu Nasionál Aniceto Guterres deside hodi fó prazu oras 24 ba Komisaun C trata asuntu Finansas atu debate proposta Orsamentu Jeral Estadu (OJE) 2020.

Tempotimor (Dili)-Bankada CNRT iha Parlamentu Nasional konsidera desizaun balun ne’ebé Prezidente Repúblika Francisco Guterres Lú Olo foti, halakon ona valor Konstituisaun RDTL ne’ebé sai matadalan no klamar ba estadu Timor-Leste.

Tempotimor (Dili)-Meza foun Prezidente Parlamentu Nasionál ne’ebé hatuur hikas ona liuhusi serimónia rituál kulturál sei ‘la metin’ tanba iha serimónia importante ne’e la hetan partisipasaun másimu husi deputadu sira hotu.

Tempotimor (Dili)-Deputadu sira husi bankada CNRT deside hodi la hola parte iha serimonia ritual hatuur hikas meza Parlamentu Nasionál ne'ebé hala'o iha Sesta (04/09).

Tempotimor (Dili)-Bankada CNRT konsidera estensaun Estadu Emerjénsia (EE) ba dala lima nu’udar ‘konspirasaun polítika’ husi Governu no Prezidénsia Repúblika hodi asegura sira-ninia interese polítiku.

Tempotimor (Dili)-Deputada Bankada CNRT Maria Fernanda Lay preokupa ho regras prevensaun ne'ebe governu atu aplika durante periodu Estadu Emerjensia (EE) dalima.

Tempotimor (Dili)-Deputadu husi bankada CNRT Gabriel Soares husu ba governu atu esplika didiak problema saida mak halo too ohin loron povu Timor-Leste barak mak seidauk simu subsidiu neebé governu promete ona ba sira.