“Agora atividade hothotu ema ejize ne'e mak bee-moos agora konsentrasaun Cruz Vermelha sei ba remotas liu ema la to'o ita la'o ain de'it mak to'om ida ne'e mak atividade ne'e ami hala'o 400 proposta ne'ebé mak mai ona husi área rurál ne'e foin mak halo 140 projetu, 160 ne'e ita sei buka hela osan”, dehan nia iha Rezidénsia PM Faról, segunda (28/02).

Husi projetu sira ne'e falta 160 mak seidauk no sei buka fundu oinsá bele apoiu komunidade sira iha área remota sira, tanba presiza los bee-moos.

“Ami buka ona, mak Austrália mak sei ajuda Korea no Nova Zelándia sei ajuda maibé Governu nia osan iha mak dada difísil, fó ba Crus Vermelha tanba bee ne'ebé Cruz Vermelha dada ne'e hemu kedan tanba treinadu tiha ona husi nasaun barak”, afirma nia.

Iha tempu barak Governu Austrália sei oferese ró rua ba CVTL hodi atende nesesidade urjente hanesan dezastre naturál sira ne'ebé akontese iha Timor-Leste.

Tanba ida ne'e mak Orsamentu Jerál Estadu ne'ebé aprova ona iha Parlamentu Nasionál ba Ministériu Obras Públika no Ministériu Administrasaun Estatál mak iha difikuldade ne'ebé mak atu implementa Cruz Vermelha nia parte prontu ajuda sira.

Alende ne'e sira hasoru mós difikuldade barak halo mobilizasaun ba voluntáriu sira ne'ebé mak servisu voluntáriu iha CVTL ne'e rasik.

“Dezafius barak ida mak halo mobiliza voluntáriu, oinsá ita sira Kontente liu hodi halo servisu mak protesaun la selu ema mais fó protesaun agora fó protesaun mak fó osan oituan, osan ne'e para ba hán hemu de'it e sira fila ba uma e ami tenta para eleva oituan sira”, dehan nia.

Tanba ne'e Cruz Vermelha sei esforsu hodi fó protesaun ne'ebé dignu ba Ekipa voluntáriu sira hodi fasilita sira iha terenu no iha fatin seluk ne’ebé presiza. (*)