“Ha’u sei halakon korrupsaun ho familiarista iha ita nia rain”, dehan nia iha kampaña loron dahaat, iha kampu 745, Suku Fuiloru, Postu Administrativu Lospalos, Munisípiu Lautein, sábadu (05/03).
Tanba rai Timor-Leste, ema hotu iha direitu hodi hetan servisu iha fatin ne’ebé presiza rekursu la’ós bolu de’it família iha fatin servisu ida halo ema seluk nafatin halerik ba servisu.
Bainhira eleitu sai Prezidente Repúblika sei tau mós prioridade ba asuntu diálogu nasionál ho líder nasionál sira tanba só uza dalan ida ne'e mak di’ák liu atu dezenvolve futuru Timor-Leste ne'ebé mak iha páz.
Iha kampaña loron dahaat iha Lospalos, hetan partisia husi simpatizante no militante husi partidu balun kuaze 2.000-resin.
Entertantu, iha eventu politiku ida ne’e, hetan observasaun direita husi Komisaun Nasionál ba Eleisaun sira (CNE) inklui obsevadór internasionál sira no hetan seguransa másimu husi Polísia Nasionál Timor-Leste (PNTL). (*)
