“UNDP no Embaxada Japaun fó apoiu ba Konsellu Imprensa hodi mobiliza ba mídia sira hodi halo la’o iha terenu. Jornalista sira ne’ebé sei halo kobertura halo rejistrasaun husi ekipa Konsellu Imprensa nian”, hateteb Diretór Ezekutiku, Rigoberto Monteiro, iha Salaun Konferénsia KI, Kintal Boot, sesta (11/03).
Tanba ne’e, hanesan informasaun ba mídia sira atu halo kobertura ho balansu ba kandidatura sira durante kampaña eleitorál durante semana ruma nia laran.
“Ne’e hanesan informasaun ida bainhira ita halo kobertura mak ita sei halo balansu, tanba durante ne’e ita haree kandidatu sira ne’ebé ho rekursu boot mak ninian publikasaun ne’e boot maibé diferente ho kandidatu sira ne’ebé mak nia rekursu ki’ik”, dehan nia.
Konsellu Imprensa komprende tanba mídia sira iha Timor-Leste ne’e, infelismentu mídia privadu sira-nia rekursu naton entaun sira-nia atividade mós naton liuliu maibé diferente ho Rádiu Televizaun Timor-Leste (RTTL) no Ajénsia Notisioza Timor-Leste (Tatoli) ne’ebé rekursu mai husi Governu. (*)