Ministru Prezidénsia Konsellu Ministru (MPKM), Fidelis Leite Magalhaes hatete, sidadaun husi Timor-Leste, Tailándia no Kambodia la'o ba mai mak bainhira utiliza passaporte diplomata no servisu sei livre husi Viza.

“Fó injensaun vistu viza, ba hirak ne'ebé mak husi Tailándia no Kambodia, no ofisiál sira ne'ebé mak lori passaporte Diplomata no servisu no iha akordu ne'ebé mak iha uluk Timor-Leste mós asina, ho rai rua ne'ebé mak dehan katak, sidadaun Timor-Leste ne'ebé mak lori passaporte Diplomata no servisu bainhira ba Tailándia no Kambodia sei bebas viza, no sira-nia funsionáriu sira mai ho pasaporte Diplomata no servisu se livre husi viza”, dehan Fidelis Leite ba jornalista sira iha Palásiu Governu, kuarta (16/03).

Nune'e Governu sei haruka proposta rezolusaun ne'e sei haruka ba Parlamentu Nasionál hodi aprova hodi tama ba envigór.

Projetu Proposta Rezolusaun ne'e aprezenta husi Vise Ministru Negósiu Estranjeiru no Kooperasaun, Julião do Santos ba konsellu Ministru hodi hetan aprovasaun. (*)