Komunidade ho Kartaun eleitorál husi Munisípiu Baukau, Fernanda Ximenes hatete, nia parte la vota tanba la hetan autorizasaun husi ekipa STAE ne'ebé reponsável ba Sentru votasaun paralelu iha STM-Bekora.

“Sim, ohin sira husi STAE la fó ha'u atu vota, tanba dehan la rejistu, ne'ebé ami hein de'it”, dehan nia hafoin dada lia ho www.tempotimor.com, iha sentru votasaun Paralelu, Bekora, sábadu (19/30).

Nu’udar eleitór hakarak vota iha Dili, tanba Governu liuhusi Ministériu Administrasaun Estatál (MAE) deklara sei tau sentru votasaun paralelu iha suku Bekora atu fasilita komunidade sira ne'ebé la konsege vota iha sira-nia munisípiu.

Komunidade Julio da Costa Amaral haktuir, sira mai desde dader to'o agora kontinua hein iha sentru votasaun paralelu, tanba hakarak atu rona loos informasaun balun husi STAE liga ho problema tanba sá la autoriza ba vota iha sentru Paralelu.

Tanba ne’e, Komunidade sira la satisfas ho desizaun STAE ne'ebé dehan presiza rejista mak hafoin bele vota, tanba eleitorál ne'ebé sira iha ne'e mai husi STAE. (*)