“Ohin Prezidente Repúblika simu karta krendensiál husi Embaixadora Manuela Freitas Bairos, embaixadora Manuela ne'e kareira diplomata ida kleur ona, e embaixadora antes mai sai embaixadora iha Timor nia uluk diplomata iha Jakarta, nia mak halo primeira formasaun ba diplomata Timoroan 50 ne'ebé mak halo iha Timor iha tinan 2001 antes restaura independénsia no nia mós iha ligasaun forte ho Timor”, dehan Ministra Negosiu Estranjeiru Kooperasaun (MNEK), Adaljiza Magno, hafoin akompaña PR Lú Olo iha Palásiu Prezidensiál Bairopite, sesta (25/03).
Aliende ne'e, Embaixadora Manuel iha ligasaun amizade istória forte tebes ho Timor, tanba antes ne’e servisu iha Prezidnete rotativa Komunidade nasaun lian Portugés.
"Nia uluk mai iha ne'e servisu iha Prezidénsia rotativa CPLP nian portantu embaixadora Mauela iha ligasaun amizade istoria forte tebtebes ho Timor entaun señor Prezidente Repúblika kontente tebtebes katak, até nufim embaixadora Manela bele sai embaixadora mai Timor-Leste”, hatutan nia.
Durasaun embaixadora mai Timor depende ba nasaun Portugal, maibé normalmente tinan tolu (3).
“Iha kooperasaun ne'e barak liu iha asuntu edukasaun, ke Portugál ajuda Timor desde restaurasaun de Independensia, ita mós iha kooperasaun iha seguransa, defeza taun sira mós mai halo investimentu makas iha ne'e, portantu kooperasaun Portugal ba Timor ne'e muito importante”, informa Ministra Adaljiza. (*)