“Ha'u mós hatete ha’u sei husu ba Prezidente nia tulun, nia apoiu para ita buka halo diálogu ho líder nasionál sira ho partidu sira iha Parlamentu no iha liur”, dehan Horta hafoin nkontru ho Prezidente Repúblika Francisco Guterres ‘Lú Olo’, iha Pálasiu Prezidensiál Bairopite, kuarta (27/04).
Ba diálogu ne'e nu’udar dalan ne'ebé mak bele solusiona buat hothotu, maibé dahuluk mak presiza haklean dame hametin dame, depois haree oinsá bok kestaun ekonomia ne'e sai di'ak hodi la'o ba oin.
Tanba ko'alia kona-ba problema nasaun ne'e tinan lima mai tán sei iha problema boot iha área barak, maibé inkluindu área ne'ebé importante tebtebes mak ekonomika ne'ebé la'ós kna'ar prezidente nian.
Maibé, hanesan krize ekonomika, krize sosiál, krize umanitáriu ne'ebé mak mosu, maske Prezidente Repúblika labele atende direta, tanba la’ós kna’ar prezidente nian, maibé prezidente iha autoridade para mobiliza Governu, parlamentu, ko'alia ho internasionál oinsá mak fó resposta ba krize sira ne'e.
Nu’udar Prezidente eleitu, sente ho admirasaun no repseitu ba Prezidente Repúblika sesante, Francisco Guterres ‘Lú Olo’ no sei oferese-an para ba oin, buat ne'ebé prezidente sesante presiza, nu’udar Xefe Estadu eleitu no nu’udar individuál sei konta mós ho nia.
“Ha'u mós espera ke ka'er ho kna'ar ne'e ha'u sei konsulta ho prezidente ba oin kestaun sira nasionál no internasionál, ha'u sempre buka rona prezidente sesante”, afitma nia. (*)