“Hanesan foin dadaun ha'u hatete ne'e, Prezidente Aniceto Guterres mak iha tinan rua mai ne'e mak direje traballu parlamentu nian, nia sei kontinua ho traballu hodi ida ne'e”, dehan Horta hafoin enkontru ho Prezidente Repúblika, Francisco Guterres ‘Lú Olo’, iha Pálasiu Prezidensiál Bairopite, kuarta (27/04).

Tanba ko'alia prosesu prezide serimónia toma pose ne'e, felizmente husi Prezidente Parlamentu Nasionál atuál, tanba durante tinan rua nia laran ne'e nia mak lidera funsionamentu iha Parlamentu Nasionál nian, tanba ne'e nia mak sei prezide serim’onia tomada pose tuir nia kna'ar.

Ba serimónia 20 maiu ne'e, konvidadu sira atu mai partisipa iha serimónia ne'e, Xefe Estadu Francisco Guterres ‘Lú Olo’, tuir protukolu ne'ebé estadu iha.

Maibé ba líder sira ne'ebé Horta koiñese sei haruka konvite pesoál inklui halo mós ekontru ho embaixadór sira iha rai laran no husi ASEAN, atubele marka prezensa iha serimónia toma pose.

“Ha'u haruka tiha ona, ha'u-nia konvite no karta pesoál ba sira, balun ha'u haruka de'it iha whatsApp tanba ha’u koiñese sira, balun ha'u ko'alia ho telefone eh sira konfirma mai iha, mais ha'u enkontru ho embaixadór hothotu ASEAN, e embaixadór sira hothotu iha ne'e enkontru tiha ona, laiha ida ke falta”, dehan nia. (*)