“Aproveita mos katak, komu hela loron hira ona sua eselénsia sei termina nia mandatu, e hato'o mos saudasaun ba konfiansa ne'ebé nia fó mai ha'u durante mandatu ida ne'ebé ha’u sei ejerse hela”, dehan nia iha Palásiu Prezidensiál, Bairopite, tersa (17/05).

Iha ne'e, Prezidente Repúblika hato'o hela liamenon ba Tribunál Rekursu atubele funsiona ho forma ne'ebé di'ak nafatin, no mantein fó justisa ida ne'ebé di'ak ba povu Timor tomak, sein haree ba kór, ka ema ida-idak ninian.

Nomós husu Konsellu Superior Majistradu Judisiál halo esforsu ne'ebé di'ak liután atubele kria tan kondisaun balun di'ak liubá juis sira nian nomós ba ema sira ne'ebé servisu iha Tribunál ninian bele fornese justisa besik liu no di'ak liu ba povu.

Ba liamenon ne'e, Prezidente Tribunál Rekursu mós hatete, kona-ba prosesu tomak husi tribunál nian iha tinan 2022 ne'e la'o di'ak tebes, tanba ne'e sei garante nia funsionamentu ba povu tomak. (*)