Tuir informasaun ne’ebé www.tempotimor.com asesu husi Gabinete Ministru Justisa (MJ), sábadu (04/05), iha reuniaun, Ministru Justisa ho Embaixadora diskute asuntu importante inklui reativa protokolu kooperasaun ne’ebé antes ne’e asina ona entre Ministru Justisa sesante, Manuel Cárceres da Costa ho Universidade Coimbra, Portugal atu haruka Konservadór no Notáriu sira hodi tuir formasaun iha ne’eba.
Aleinde ko’alia kona-ba reativa Protokolu Kooperasaun ho Universidade Coimbra, Portugal, Ministru Justisa ho Isabel Guterres, diskute mós kona-ba Timoroan sira ne'ebé hetan problema no agora dadaun iha hela Portugal.
Iha reuniaun ho Embaixadór Portugal ba Timor-Leste, Manuela Bairos. Kinta (02/06), Embaixadora husu atu Ministru Justisa halo komunikasaun no koordenasaun ho Ministériu Negósiu Estranjeiru no Kooperasaun (MNEK) hodi haree asuntu refere, nune’e bele elabora akordu foun ida hodi bele fó solusaun ba situasaun sira ne’ebé, iha relasiona ho prekupasaun Ministru Justisa nian liga ba sidadaun Timoroan hirak ne’ebé agora dadaun, tanba problema dokumentu sei iha hela Portugal.
Ministru Justisa, Tiago Amaral Sarmento, akompaña husi Assesor Administarsaun, Tomas M. Correia no Assesora Jurídiku, reuniaun ho embaisadora Timor-Leste ba Portugal, Isabel Guterres iha kna’ar fatin Ministériu Justisa. (*)