“Kona-ba mate ruin (restu mortais) eroi sira-nian, señor deputadu sira, Ministériu ninian servisu mak ne'e, hato'o ba Ministériu Kompetente, sé ministériu kompetente ne'e mak orsida koordena Ministériu Negósiu Estranjeiru no Kooperasaun, eh nia koordena ho Ministériu ida ne'ebé, sira mak halo servisu ne'e”, dehan nia iha Plenária Parlamentu Nasionál, tersa (12/07).

Ba preokupasaun atu buka restu mortais eroi sira-nian, MAPKOMS só hato'o de'it ba MAKLN maibé atu kontinua halo koodernasaun ho Ministériu Negósiu Estranjeiru no Kooperasaun ne'e kompeténsia MAKLN nian atubele halo servisu ida-ne'e.

“Servisu saida mak kona-ba eroi nian, tenke ba Ministériu Asuntu Kombatente Libertasaun Nasionál, e depois nia mak halo koordenasaun ho ministériu sira seluk ne'ebé mak atu ba buka ruin iha ne'ebé, ne'e sira mak halo servisu ida-ne'e”, dehan nia.

Maske Parlamentu Nasionál rasik to'o oras ne'e nafatin ejize atu Ministériu Negósiu Estranjeiru no Kooperassun koordena ho Governu Indonézia atu entrega restu mortais Saudozu Nicolao dos Reis Lobato.

Maibé Ministériu Asuntu Parlamentár no Komunikasaun Sosiál mós labele foti deputadu sira-nia preokupasaun diretamente haruka kedas ba Ministériu Negósiu Estranjeiru no Kooperasaun tanba laiha relasaun ho MAPKOMS.

“Ne'e só relasaun ho MALKN, ne'ebé ita halo servisu ne'e, ami halo tuir ninia dalan de'it, ami la inventa. Maibé orsida sé ida-ne'e dehan katak laloos, ami ba halo koordensaun para halo loos di'ak liu, ida-ne'e mak ami hakarak informa ba deputadu sira”, hatete nia. (*)