MNEK ho Enkaregadu Negósiu Santa Se Hahú Diskute Vise PM Vatikanu Vizita TL

By Tempo Timor August 19, 2022 661

font size decrease font size increase font size
Print
Email

Ministra Negósiu, Estranjeiru no Kooperasaun (MNEK), ho Adalgiza Albertina Xavier Reis Magno reuniaun hela ho Enkaregadu Negósiu Santa Se nian, Monsignor Marco Sprizzi. Foto Suplay

Tempotimor (Dili)-Ministra Negósiu, Estranjeiru no Kooperasaun (MNEK), ho Adalgiza Albertina Xavier Reis Magno hamutuk ho Enkaregadu Negósiu Santa Se nian, Monsignor Marco Sprizzi, hahú diskute Vise Primeiru Ministru (PM), Archbishop Edgar Robinson Peña Parra nia vizita mai Timor-Leste (TL).

Tuir informasaun ne’ebé www.tempotimor.com. Asesu iha pájina Gabinete MNEC, sesta (19/08) katak, vizita Archbishop Edgar Robinson Peña Parra hanesan reprezentante Amu Papa mai Timor-Leste.

“Ohin hasoru malu ho Encaregado de Negócio Santa Se nian Monsignor Marco Sprizzi hodi koalia kona ba visita husi Sr Vice Primeiro Ministro husi Vaticano nebe hanesan mos braço direito Amo Papa nian SE Archbishop Edgar Robinson Peña Parra”, informasaun ne’ebé fó sai husi Gabinete MNEC, kinta (18/08).

Vizita Archbishop mai Timor-Leste sei inaugura Embaixada foun Santa Se nian no sei hasoru malu ho Prezidente Repúblika, José Ramos Horta, Primeiru Ministru, Taur Matan Ruak no MNEK rasik nomós ierarkia Igreja Katólkca nian iha Timor-Leste. (*)

Rate this item

(0 votes)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com