“Hanesan ne'e, rekonsillasaun ho autonomista milísia sira, ba ha'u katak laiha impaktu ida, tanba uluk sira-ne'e iha 1999, sira ho liafuan ida katak (Berjuan sampai titik penghabisan) agora o mai halo saida. Agora situasaun Timor, joven sira-ne'ebe mak dezempregadu barak, e ema ne'ebé durante lakon família no mate ne'e, barak mak agora laran sei kanek, embora imi sidadaun Timor, imi hela iha ne'ebá, ami iha ne'e”, dehan nia iha Parlamentu Nasionál, segunda (22/08).
Ba rekonsillasaun ne'ebé Timor-Leste halo ho Timor Osidentál ida-ne'e importante nafatin garante pás ho estabilidade no rai odiu ho vigansa mak laiha ona mós sira labele mai.
Kona-ba promove fraternidade umana ne'e Prezidente Repúblika ko'alia tuir ema hanesan Xefe Estadu, maibé ba povu ki'ik ne'ebé lakon família 1999 to'o agora terus no inosentimente, tanba ne'e rankodiu ne'e sei iha hela.
"Rankodiu ne'e sei iha, ha'u la fiar katak laiha. Ne'ebé husik ba kanek ne'e di'ak, seidauk nia tempu, sei to'o iha nia tempu ba, husik lai ema hothotu moris pás, estabilidade, nia kondisaun sosiál, ekonómiku di'ak, prontu ok imi bele mai, agora labele lai. Ha'u pesoalmente dehan labele lai”, esplika nia. (*)