"Prosesu hotu la'o dadaun ona, maibé sei kontinua nafatin hato'o ba ministériu relevante sira", dehan Ministru Jeronimo hodi hatán ba preokuasaun husi deputadu sira iha plenaria PN, segunda (12/12).
Tanba, depotadu sira ne’ebé reprezenta povu iha Parlamentu Nasional kestiona kona-ba falta sentru saúde, estrada, eletrisidade, edukasaun, problema Cesta Bázika, pagamentu frontline, subsidiu uma-ka'in ne'ebé balu la simu, semiteriu santa krus ne'ebé nakonu ona.
Aleinde ne’e, kona-bá ordenamentu territóriu liu-liu trotoar ne'ebé sai fali fatin ba negósiu, polísia fronteira la iha fatin, seguransa sosiál ba empregu sira iha loja no deputadu sira mós husu atu muda fatin lixu ne'ebé estasiona besik sentru saúde sira iha Dili laran.
Purtantu plenaria ordinaria ne'ebe hala'o ih loron segunda (12/12) ne'e prezide husi Prezidente Parlamentu Nasionál, Aniceto Longuinhos Guterres Lopes. (*)