"Tanba, iha planu tinan 2022 nian, ne’ebé ba iha Munisípiu hotu-hotu atu hasa'e koñesimentu no kapasita membru kooperativa sira hotu atu bele iha partisipasaun di'ak ba dezenvovimentu ekonómia kreativu nian", dehan Diretor Jerál Produsaun Dezenvolvimentu Kooperativa, Francisco Xavier iha salaun nai-dato, Munisípiu Ainaru, tersa (13/12).
Nune’e, SEKOOP liuhusi diresaun nasionál edukasaun formasaun no informasaun realiza tán semináriu ida ho thema kooperativa nu'udar espíritu ba dezenvolvimentu ekonómia kreativu família no sosiedade iha Munisípiu Ainaru.
Sekretáriu Estadu Kooperativa, Elizário Ferreira, hatete, iha semináriu ne’e, atu aprezenta mós kona-ba programa ne’ebé implementa tiha ona no planu tinan 2023 nian ba movimentu kooperativa sira hotu.
"Tanba, Sekretária Estadu Kooperativa ninia programa hamutuk 10, ida mak konklui ona no hela de'it akompañamentu supervionamentu monitorizasaun no auditoria, ne’ebé hanaran programa kapitalizasaun eh agora fokus ba kooperativa produsaun", nia afirma.
Oradór ba semináriu ne’e mak, reprezentante husi Xefe Gabinete Primeiru Ministru, Koordenadór Marketing Kadeia Valór, Jaime dos Reis, no Sekretáriu Estadu Kooperativa, Elizário Ferreira. (*)