Tanba ne’e, SEFOPE asina ona deklarasaun ho traballadór sira nia família iha salaun Diresaun Nasionál Empregu Exteriór Bekora.
Diretór Diresaun Nasionál Empregu Exteriór, Filomeno Soares, hatete, realizasaun serimónia asina dekalrasaun ne’e, hanesan komprimísiu ida ne’ebé halo entre família traballadór hó SEFOPE katak, aseita ita nia fen, oan ka la’en, atu ba servisu iha Australia, la’os governu mak obriga, nune’e mosu problema ruma parte rua iha hotu responsabilidade hodi rezolve.
Nia afirma, polítika governu nian haruka joven timoroan ba servisu iha rai-liur hanesan Australia no Korea Súl la’os permanente, maibé atu ba buka osan hetan esperensia foun husi ema nia ra’in, nune’e bainhira fila mai bele hadi’a ekonomía família no hasa’e kresimentu ekonomía nasaun.
Nune’e, enkoraza foinsa’e na’in-38 ba servisu iha Australia tenke hatudu komportamentu servisu ne’ebé di’ak, respeita ema nia lei, kultura no labele halai ses husi sistema, tanbá halai ses husi sistema sei taka dalan ba empregadór atu foti tán traballadór husi Timor-Leste ba servisu. (*)