SEII Maria do Rósario Fátima Correia, hatete, iha tinan hirak ba kotuk kuaze edifiíiu sira iha teritóriu laran Organizasaun Naun Governamental (ONG) de’it mak iha rampa ba ema difisénsia ne'ebé uza kadeira roda, restu seluk laiha, maibé iha Oitavu Governu Konstituisionál, liuhusi liña Ministérial sira tau ona orsamentu hodi halo rampa fasilita ema ho difisiésia bele asesu ba fatin públiku, mesmu seidauk estabelese hotu iha teretóriu nasionál.
"Ida ne'e komprimísiu ona tinan oin, ita espera ida (edifisiu públiku) ida ne'e, kada liña ministérial sira iha komprimitidu tau mós rampa sira ne'ebé mak agora dadauk seidauk iha edifisiu públiku sira ne'e", dehan SEII, Maria do Rósario Fátima Correia ba www.tempotimor.com iha salaun apuramentu Baukau, Kinta (22/12).
Fasilita rampa ba ema ho difisiénsia iha edifisiu públiku kuaze liña Ministérial hotu nia responsabilidade, tanba tuir dekretu lei númeru 35/2017 loron 11 fulan-jullu ne'ebé apróva ona iha Konsellu Ministru (KM).
Tanba, dekretu lei ne’e, fó orinta ba liña Ministérial sira atu aloka orsamentu sénsivel ba igualdade no inkluizaun atu prepara fatin segúru ba feto no labarik feto, portadór ema ho difisiénsia komunidade LGQBT sira iha fatin públiku hanesan terminal.
"Ita haree montante ki’ik, maibé etápa por etápa, ita haree kuaze Munisípiu hirak mak estabelese ona rampa iha fatin públiku", nia hatete.
Enkuntu ba fatin Sede Suku nian, Ministru Administrasaun Estatál (MAE) tau ona rampa iha Sede Suku sira atu fasilita portadór ema ho difisiénsia wainhira atu trata dokumentus.
Alende ne’e, SEII sei esforsu ko'alia ho Ministru Justisa (MJ) atu orienta ékipa tékniku sira tuun direita ba portadór difisiénsia nia hela fatin atu halo rejistu direita ba Billeti Identidade (BI) no seluk tán. (*)