"Ami nia negósiu ne'e loloos ami tenke la'o nafatin mais ami nia prosesu pagamentu iha CLN mos kuaze 25 tonelada e 50 kilu, sira prosesu tinan-rua resin ona, to'o agora seidauk mai, entaun ami nia benefísiu ida atu sai hanesan fundu kapital ida ba ami-nia kooperativa ne'e mak estadu deve to'o agora", dehan nia ba www.tempotimor.com iha loron sexta (30/12).

Tanba, kooperativa makadike mos momentu ne'eba oferese produtu lokal kuaze tonelada atus-rua resin iha distribuisaun Cesta Bázika faze dahuluk nian tinan-rua liubá, maibé tonelada 25 mak to'o estadu la selu.

Nune'e, iha prosesu ida-ne'e to'os na'in sira ne'ebe oferese produtu lokal ba kooperativa makadike mós hein hela nomos sempre sisi nafatin, tanba tinan 2-resin ona governu la selu.

"Tonelada 25 ne'e soma ba osan kada kilu dolar 2, depois ha'u fa'an tiha 50 sentavus balun ba kompaña jacinto mais kompaña jacinto ne'e halo rejistu ba nia kompaña ne'e para enkamiña ami-nia produtu ba iha CLN, osan ami-nia hela ne'e kuaze ami mos buka ba mai de'it, balun hanesan fa'an tutan fali ne'e mak balun hetan dolar US$1.25, balun fali hetan dolár 1.30, entaun ami-nia orsamentu iha ne'eba ne'e kuaze rihun US$60, preokupasaun ami-nian mak ne'e, sé orsamentu US$60 mil ne'e, kompaña mós lakon, ami mós lakon, tanba difisil iha persentajen", nia informa.

Tanba ne’e, husu ba governu liliu Sentry Lojistika Nasional atu aselera prosesu pagamentu ba produtu lokal 25 ne'ebe oferese ba programa Cesta Bázika iha faze dahuluk. (*)