"Mai ita idaidak fo Minutu ida Hakmatek hodi presta omenajen ba ita-nia eroi boot Prezidente Nicolau Lobato no eroi sira hotu ne'ebé sakfrifika ona sira nia aan hodi fila ita rai sai Nasaun ida Livre no Independente ke ohin ita hotu goza", dehan PM Taur liuhusi nia pájina ofisiál Primeiru Minístru, Taur Matan Ruak iha ámbitu estadu Selebra Loron Erois Nasionál ne'ebé www.tempotimor.com asesu iha loron (31/11).

Komemora loron Eróis Nasionál no Aniversáriu Prezidente Nicolau Lobato nia mate tinan 40 liuba iha kombate, iha Mindelo (entre Maubisse, Turiscai no Manufahi) iha loron 31 Fulan-Dezembru tinan 1978.

"Nu’udar onra no omenajen ba ita-nia Eroi Boot Prezidente Nicolau Lobato  ne'ebé  mate iha loron  31 fulan-dezembru 1978, tanba defende Pátria  no povo RDTL", afirma PM Taur.

Nicolau dos Reis Lobato (moris iha Soibada, Manatutu, 24 Maio 1946-mate iha Mindelo, Manufahi, loron 31 fulan-Dezemberu tinan 1978, momentu nia sei iha tinan (26) hanesan politika nain no ukun nain nasional ba Timor-Leste.

Nicolau Lobato nia hanesan harii no sai hanesan vice prezidente ba partidu ASDT, partidu ne’ebe la kleur fila aan sai Fretilin, depois Proklamasaun Independensia iha loron 28 fulan-Novemberu 1975 foti nia sai hanesan Primeiru Ministru dahuluk ba Timor-Leste.

 Iha tinan 1977 Eroi Nicolau Lobato sai hanesan Presidente Daruak ba Timor-Leste, nia mate iha kombate ho Tropa Indonézia (TNI) iha loron 31 fulan-dezemberu 1978.

Dadaun ne'e, Aeroportu Internasional Timor-Leste uza nia naran hodi respeita luta ne’ebe fo naran Aeroportu Internasional Presidente Nicolau Lobato.

Momentu Tropa Indonézia tama mai Timor-Leste, Nicolau Lobato hamutuk ho ukun nain FRETILIN sira seluk halai sae ba foho hodi funu kontra Tropa Indonézia.

Iha tinan 1978, Lobato aserku husi (Kopassus) ne’ebe organiza husi Maijor Prabowo Subianto (ne’ebe sai hanesan mane foun ba Prezidente Soeharto). Nia mate depois tiru iha nia kabun, no nia mate isin lori ba Dili. Nicolau dos Reis Lobato foti hanesan luta nain nasional Timor-Leste. (*)