"Ami konsidera dasa rai ho lere du'ut ne'e nia rejultadu la di'ak, tanba ita lere tiha du'ut, liu tiha loron rua tolu, du'ut ne'e moris fali", deha nia iha resintu administrasaun Baukau, Segunda (16/01).
Tanba ne'e, autoridade lokál kompostu husi Suku 10 iha Postu Baguia, hasai atividade sira hanesan lere du'ut no dasa fo'er, halo de'it reparasaun ba estrada rural sira iha Suku 10.
"Projeitu ida traballadór ema na'in-20, nia kilometru ha'u la fixa, tanba halo reparasaun ba estrada ne'e iha kedas Suku 10", nia dehan.
Enkuantu orsamentu husi PMOPA ba Adminidtradór Baguia hamutuk US$13.000-resin, ne’ebé aloka ba kada suku ho montante US$10.000.
Nia relata, relatóriu PMOPA ba faze dahuluk nian, iha Postu Baguia finaliza ona, no relatóriu,submete ona ba Autoridade Munisípal.
Faze daruak nian, PMOPA iha Postu Baguia foin atinji pursentu-50, tanba tarde husi transfere orsamentu, maibé sei finaliza iha fulan-janeiru, nune'e submete lalais relatóriu ba autoridade Munisípal hodi hato'o ba nasionál. (*)